Монголын физикийн нийгэмлэг нь дараах үйл ажиллагааг тогтмол явуулж байна.

Үүнд:

  1. Физикийн шинжлэх ухааны судалгаа шинжилгээний ажил хийх, ололтыг үйлдвэрлэлд нэвтрүүлэх, шинэ технологи боловсруулах, эзэмших, худалдах, солилцох, улс орны өмнө тулгамдсан асуудлыг шийдвэрлэхэд физикчдийг зохион байгуулж оролцуулах, төсөл хөтөлбөр хэрэгжүүлэх, үйлдвэрлэл судалгааны нэгж байгуулахыг дэмжих;

  2. Мэргэжлийн чиглэлээр хийж буй судалгааны үр дүнг хэвлэн нийтэлж олны хүртээл болгох, үйлдвэрлэлд нэвтрүүлэхэд дэмжлэг үзүүлэх, энэ хүрээнд олон улсын редакцын зөвлөлтэй, мэргэжлийн түвшинд хянан магадалгаа хийгддэг Физикийн мэргэжлийн сэтгүүл(Mongolian Journal of Physics)-ийг жил тутам тогтмол гаргаж байна.

  3. Шинжлэх ухаан технологийн хөтөлбөр, суурь судалгааны сэдэвт ажил, төслүүдийн сонгон шалгаруулалт, хэрэгжилтийн явц, үр дүнд хөндлөнгийн үнэлгээ хийхэд оролцох;

  4. Их сургуулийн физик сургалтын үйл ажиллагаанд “хөтөлбөрийн магадлан итгэмжлэл” хийхэд хөндлөнгийн үнэлгээ хийх байгууллагаар оролцох;

  5. Мэргэжлийн байгууллага, судлаач эрдэмтдийн болон олон улсын ижил төрлийн судалгаа хийдэг байгууллага, судлаачдын холбоо харилцааг өргөжүүлэх, хамтарсан судалгааны төсөл, хөтөлбөр хэрэгжүүлэхэд дэмжлэг үзүүлэх;

  6. Гадаад орны болон олон улсын ижил төстэй үйл ажиллагаа явуулдаг байгууллага, нийгэмлэг, холбоодтой хамтын ажиллагааг хөгжүүлэх;

    • Азийн физикийн нийгэмлэг

    • Америкийн физикийн нийгэмлэг

  7. ЕБС-ийн физикийн сургалтыг сайжруулах, их дээд сургуулиар бэлтгэж буй физикч, физикч инженер, физикийн багш нарын мэргэжлийн чадварыг дээшлүүлэх, улмаар монгол улсад хөгжүүлэх физикийн шинжлэх ухааны тэргүүлэх чиглэл, зорилгыг тодорхойлох асуудлаар санал боловсруулах ажлыг зохион байгуулах, энэ чиглэлээр сургалт, судалгаа хийж мэдээллээр хангах;

  8. Физикийн бүх шатны сургалтын хөтөлбөр төлөвлөгөө боловсруулах, сурах бичиг хэвлүүлэх, төсөлд мэргэжлийн шинжээч ажиллуулах, зөвлөгөө өгөх, зөвлөмж гаргах замаар төрийн байгууллагын ажилд мэргэжлийн туслалцаа үзүүлэх;

  9. Онол арга зүйн сургалт семинар, эрдэм шинжилгээний хурал болон тэмцээн (олимпиад) зохион байгуулах ба дэмжих;

  10. Физикийн шинжлэх ухаан, түүний ололт амжилтыг олон нийтэд түгээн дэлгэрүүлэх, сурталчилах, соён гэгээрүүлэх үйл ажиллаагаа явуулах, энэ хүрээнд шинжлэх ухаан танин мэдэхүйн сэтгүүлийг тогтмол гаргах;

    • ФИЗИК шинжлэх ухаан танин мэдэхүйн сэтгүүл тогтмол гаргаж байна.

  11. Монгол улсад физикийн шинжлэх ухааныг хөгжүүлэх, түгээн дэлгэрүүлж сурталчилахад үнэтэй хувь нэмэр оруулсан хүмүүсийг шагналд нэр дэвшүүлэх саналыг холбогдох байгууллагад тавих;

  12. Физикийн шинжлэх ухаанд амжилт гаргах ирээдүйтэй залуучуудыг дэмжих зорилгоор нийгэмлэгийн нэрэмжит шагнал олгох, үүнд ивээн тэтгэгчдийг татан оролцуулах;